من 6 شهور بالظبط دخلت اصحى جوزى عشان يصلى الفجر

تعالو اما افرفشكم شويه😂 😂 من 6 شهور بالظبط دخلت اصحى جوزى عشان يصلى الفجر انا دايما عصبيه وبزعق غصب عنى وكل يوم الاقي جوزى بيدعى عليا .. المهم دخلت اصحيه عشان الصلاه ومكنش سامعنى قومت مقربه من ودنه وبصووووت عالى , " محمااااااااااه , اصحى يا محماااااااااه " لقيته قايم مفزوع ووقع من ع السرير وبيقول ,, " نيله عليكي وعلى محمد ف يوم واحد " "انا هصلى هنا مش ف الجامع " المهم قام اتوضا لمتابعة القصة اضغط على الرقم 2 في الصفحة التالية وهو بيصلى سمعته بيدعى عليا "" الهى ما اسمع صوتك ابدا يا سعاد يابنت نحمدو وتطرشي بحق جاه النبى !! " وهنا بقي قررت اشغل دماغى واخد حقى وانتوا عارفين دماغ الستات بقا ف المصايب عامله ازاى ...!!! الباشا خلص صلاه وراجع عشان ينام بينده عليا وانا عامله مش سامعاه ,, قال يعني ربنا استجابله اصحى ياوليه .. طب اتاخرى شويه انتى نايمه بالعرض كده ليه !! وانا طبعا عامله مش سامعه لمتابعة القصة اضغط على الرقم 3 في الصفحة التالية وكل شويه اقول " هبابابا , هبابابا ,, هبابابابا كأنى خرسه " من كتر منا منسجمه ف الدور حسيت انى طرشه بجد وهنا هو بدأ يقلق ,, قرب مني وقام زغدنى ف ضهري وقالى انتى سامعانى ولا لا ؟ انا شاورتله براسي قولتله لا .. لقيته قعد يعيط .. المهم فضل يقرا عليا قران طول الليل وانا كنت ناويه اصحى تانى يوم اقوله على كل حاجه واعرفه ان الدعوه ممكن تستجاب ف اي وقت فبلاش تدعي عليا تاني بس مالحقتش ... وربنا ما لحقت لمتابعة القصة اضغط على الرقم 4 في الصفحة التالية لقيته داخل عليا بشيخ الصبح وشاورلى وقالى البسي عبايتك الشيخ هيرقيكي لانك شكلك محسوده . كلنا شكلنا محسودين .. المهم الشيخ قرا عليا وبعدين قال لجوزى هى كويسه مافيهاش حاجه الطرش والخرس اللى عندها ده ممكن حاله نفسيه ووديها لدكتور.. تانى يوم قالى تعالى نروح المستشفى انا كتبتله علي ورقه ان سيبنى يومين أرتاح.. طبعا عشان خوفت اروح المستشفى ويكشفونى هناك .. فضل كل يوم يجيبلى شوكولاته وورد ويودينى كل يوم مطعم شكل نتعشى فيه .. لمتابعة القصة اضغط على الرقم 5 في الصفحة التالية عيشت ملكه اسبوع بحاله .. لغايه يوم أغبر منيل بستين نيله انا طفسه الصراحه وكنت هموت واكل ممبار المهم هو بيتصل عليا عشان يطمن عليا وطبعا بخلى العيال اللى تكلمه وترد عليه المفروض انى خرسه وطرشه بقي ف اليوم ده العيال كانت لسا نايمه المهم انا رديت وفضلت اهبهب اهبهب وافتكرت الممبار المهم هبهبت تانى بالكلام وقولت " هبابابا هبابابا هربار " قالى " ايه هربار دى مش فاهم يا سعاد " ؟ رديت بكل هبل وقولتله " خلاص استنى هكتبلك ع الواتس " وعشان هو اهبل منى قالى " ماشى اكتبيها احسن ، لاحسن مش فاهم حاجه منك " انا اول ما قفلت معاه لمتابعة القصة اضغط على الرقم 6 في الصفحة التالية فضلت اقرا كل القرأن اللى جه ف بالى عشان هو مخدش باله بعد ساعه لقيته بيتصل عليا بيقولى " سعاد هو انتى كلمتينى وسمعت صوتك من شويه ولا انا بيتهيألى ؟ وانا عماله اقوله " هابابا هابابا بيتهيألك والله " هو سمع كلمه بيتهيألك والله دى ونزل عليه سهم الله وقالى 5 دقايق وهكون عندك يابنت الكلب وانا ارد واقوله " هبابا والله هبابا " يعنى والله خرسه يعنى وهو يقولي " والله هبابا ؟" اه يابنت الوارمه بقا انا تعملى فيا كده ؟؟ وعينيكو ماتشوف الا النور شهر راقده ف المستشفى ايديا الشمال اتجبست ورجلى اليمين اتلوحت وابتديت اشوف بعينى بعد اسبوعين واهو الحمد لله لسا عايشه ولغايه دلوقتى كل ما يشوفنى يضحك ويقولى " اه يابنت الورمة "😂😂😂😂