وانا نايم بدأت أسمع صوت حركة في الصالة, قمت بسرعة وفتحت باب الأوضة عشان أشوف ايه اللي بيحصل

وقفت على سور البلكونة وكان توازني هيختل أكتر من مرة, اتعلقت في التكييف وانا بشتم نفسي لأني مش مهتم بجسمي خالص, وفي النهاية قدرت أقف على الفانة بتاعت التكييف بتاعهم ومنها للبلكونة بتاعتهم,

وقفت أخد نفسي ومن حُسن حظي لقيت باب البلكونة مفتوح, المكان جوة كان ضلمة أوي أوي, دخلت الشقة ودورت على زرار النور ودوست عليه, ومكنتش محتاج وقت طويل لأني شوفت نقط دم بتنزل من الكنبة اللي في الصالة, شعر راسي وقف وانا في دماغي سيناريو واحد بس..

الراجل ده قتل مراته, والجثة في الكنبة دي, قربت منها وانا بتنفض وشيلت المخدات اللي عليها الضخمة وكشفت عن باطن الكنبة, وقد كان, جثة الست, جثة مطعونة كمية طعنات رهيبة, بس, بس

ايه ده ؟؟

الست حاضنة حاجة تحت منها, وبكل رعب الدنيا رفعت جسمها وشهقت, كانت جثة الراجل نفسه, الاتنين مقتولين وحاضنين بعض جوة الكنبة, مبقتش فاهم ايه ده ومين اللي عمل فيهم كدا, بس كانت فيه سكينة في إيد الراجل نفسه..

لتكملة القصة اضغط على الرقم 3 في الصفحة التالية 👇