جوزي خلاني احط لامي حباية غله في الشاي

_جوزي خلاني احط لامي حباية غله في الشاي والسبب؟

ــــــــــــــــــــــــــــــــــــــ

وقبل ما نبدا الحكايه اعرفكم بنفسي انا منيره عندي 38 سنه، وفي يوم كنت في المطبخ وسمعت جارتي هنيه بتزعق مع بنتها وروحت ليها وكانت بتقول بعصبيه….

هنيه

يا بنتي حرام عليكي ما انا كل لما اجيب حاجه انتي بتروحي ترجعيها وده حرام وبجيب انتي عارفه انا بجيب الحاجه دي بطلوع الروح والله ما ينفعش اللي انتي بتعمليه معايا ده، مليون مره اقولك احنا حالنا علي قدنا بلاش الفشخره الكدابه دي

مروه ببرد

يا ماما هو انتي ما بتعمليش حاحه غير انك كل شويه تروحي تجيبي ليا حاجه رخيصه وتيجي، وفي الاخر فرحانه قوي اني روحت وجيبت لنفسي حاجات في جهازي…

_ في الوقت ده انا خبطت علي الباب بتاعهم وفتحت ليا هنيه واول ما دخلت قالتلي بحزن..

هنيه

تعالي يا بنتي اتكلمي انتي معاها انا غلبت وتاه دليلي ما بقيتش قادره عليها خلاص ومش عارفه هجيب منين ولا منين

منيره

اهدي يا طنط هنيه. وانتي ايه يا مروه الطريقه اللي انتي بتكلمي بيها امك دي ما ينفعش يا حبيبتي انك تتعاملي مع امك بالطريقه دي بالراحه عليها شويه انتي مش شايفه عي بتعمل ايه عشانك

مروه بحده

هو فيه اي يا مروه انا بقيت حاسه ان انت عايشه معانا هنا في البيت يعني كل ما تسمعي صوتنا جايبه بعضك وجايه على طول ما تخليكي في شقتك شويه ولا هتروحي يا حبيبتي كده تشوفي تجيبي حته عيل يلخمك عننا شويه بدل ما انتي فاضيه كده وشاغله نفسك بمشااكل النااس

هنيه

ايه يا مروه طريقه الكلام اللي انت بتتكلمي بيها دي ازاي تقولي كده لمروه ما انت عارفه ان هي مربياكي واي مشاكل هي بتتدخل معانا فيها، الله يرحم لما كنتي تروحي تاخدي منها فلوس من ورايا وانتي رايحه المدرسه والدروس بتاعتك

منيره

هي عندها حق انا غلطانه فعلا اتدخلت بعد اذنكم….

_ وبعدها مشيت وانا عامله اعيط، وروحت شقتي وهنيه زعقت في بنتها وقالت…

هنيه

تصدقي ان انتي عديمة الذوق خالص وما ينفعش الطريقه اللي انت بتتعاملي بيها مع الناس دي يا بنتي حرام عليكي هو انتي ايه، ده انتي اكتر واحده عارفه ان موضوع الخلفه ده بيوجع منيره تقومي تدوسي عليه قدامها وتزعليها كده

مروه

كبري دماااغك من الموضوع ده يا ماما وبقولك ايه عايزاكي تحضري اكله حلوه كده النهارده علشان حماتي وخطيبي جايين عندنا علشان يتغدوا مش عايزاكي تقصري بقى قدام منهم ده بعد اذنك يعني

_قالت كلامها بكل برود لامها وبعدها مشيت وراحت عند حماتها اللي قالتلها…

الحما

خطيبه ابني يا حبيبتي ازيك عامله ايه والله العظيم وحشاني اوي، ابراهيم بيقول ان احنا معزومين على الغداء عندكم النهارده الكلام ده بجد؟

مروه

ما انا جايه يا حماتي عشان اخدك بنفسي ما هو مش معقوله اخليكي تيجي يعني لوحدك دي ماما عامله ليكي اكل انما ايه هتاكلي صوابعك وراااه

الحما

ما تعرفيش يا حبيبتي انا فرحت ازاي لما ابراهيم قال انك رجعتي طقم الحلل الرخيص اللي امك جابته ده وجبت طقم حلل غالي بس هو انت جبتي فرق الفلوس منين معلش بس انا عارفه ان ظروفكم علي قدكم شويه

مروه بتوتر

ها… ما هي ماما معاها فلوس بس هي بتحب تسترخص شويه بس اوعدك والله اني هجيب احلى جهاز يشرفكم، وماما مش هتقولي لا هي زي ما قولتلك يعني بخيله حبتين انتي حتي مش شايفه هي بتلبس ايه ومش مهتمه بمظهرها خالص.

الحما

عارفه يا حبيبتي عارفه يلا بينا بقى لما نروح نشوف العزومه اللي امك عاملاها وبعدها…

_وبعد شويه لقيت هنيه بتخبط ولما فتحت دخات عندي علي طول وقالت بهدوء

هنيه

والنبي مش عايزاكي تزعلي من البنت مروه انا عارفه ان لسانها طويل والله بس قلبها حنين قوي وبتحبك جدا زي امها وانتي عارفه كده كويس

منيره

انتي مش مجبره انك تيجي تعتذري خالص وتتكلمي بالطريقه اللي انت بتتكلمي بيها دي يا هنيه وانا عارفه والله ان بنتك غلبانه بس مش عايزاها اللي هتكلمك بالاسلوب اللي هي بتكلمك بيه ده لازم تشدي عليها شويه

هنيه

ما هو انا هشد عليها البنت محرومه من ابوها هيكون امها قاسيه وابوها الله يرحمه انا عايزه اعوصها عن. غياابه عشان تفرح زي باقي البنات مش عايزاها تحس بأي نقص

هنيه

صدقيني مش صح اللي انتي بتعمليه ده انا مش بسخنك على بنتك خالص والله بس بجد بنتك عايزه يتشد عليها شويه عشان مصلحتها عشان تعرف حدودها معاكي شويه

ردت عليا هنيه وهي مكسوفه وقالت

حاضر والله هبقي اشد عليها شويه،بصي يا منيره انا عارفه انظروفك صعبه انتي وجوزك اليومين دول يا منيره بس انا كنت محتاجه منك مبلغ كده اصل اللي منها لله عزمه حماتها عندنا على الغداء النهارده وانا بصراحه مش معايا اي فلوس خالص

منيره

ايه الكلام اللي انتي بتقوليه ده يا هنيه انا اختك يا حبيبتي ثواني هجيبلك الفلوس اللي انتي عايزاها…

_ وروحت فعلا تجيب ليها الفلوس وحماتي كانت قاااعده وقالتلها بسخريه…

الحما

والله يا حبيبتي انا اول مره اشوف ناس بتاكل حد بالسلف يا اختي مش قد العزومه ما تعزميش بلاش تعملي فيها جدعه قوي وتتفشخري انتي وبنتك

هنيه بأحراج

والله العظيم انا ما عزمت حد الله سامحها بقى مروه هي اللي دبستني في التدبيسه دي

الحما

اللي زي بنتك دي يا حبيبتي ما لهاش في الجواز خالص دي تاخديها معاكي السوق بتاعك وتخليها تقعد تبيع خيار وقوطه زي ما انتي ما بتعملي

هنيه بحزن

على العموم لما تخرج منيره قوليلها ان انا مش عايزه فلوس خلاص وانا هبقى اتصرف

_وقالت كلامها ومشيت وهي بتعيط وانا خرجت وقولت…

منيره

ايه ده يا حماتي هي هنيه راحت فين ما كانت واقفه هنا من شويه

الحما

الحمد لله يا حبيبتي وفرت الفلوس دخلي فلوس ابني جوه وبطلي اللي انتي بتعمليه ده مش مال ستيب هو ده شقي وتعب ابني اللي انتي عماله توزعي فيه كده للي يسوا وما يسوااااش

منيره

والله العظيم حرام اللي انتي بتعمليه ده انت عارفه ومتاكده ان الست دي غلبانه جدا ومحتاجه لكل قرش كمان وغير كده دي ارمله يعني المفروض نقف جنبها يا حماتي

الحما بضيق

ادخلي يا منيره جوه وانا حسابي معاكي لما جوزك يجي مش كفايه يا اختي عماله زي البيت الوقف والارض البور مش عارفه تجيبيلنا حته عيل كمان مضيعه فلوسه ومش مخليااه يعمل حاجه للمستقبل

_ما ردتش عليها و دخلت وجوا وبعد شويه وصلت مروه هي وحماتها لبيتهم، وقالت بحمااس

مروه

تعالي يا ماما ده البيت نور والله ادخلي اقعدي وانا هتصل بـ ابراهيم اشوف اتاخر ليه، ده كان المفروض هيخرج من الشغل يجي على هنا على طول

كوثر

يا حبيبتي ربنا يخليكي يا رب ده من حظ.ابراهيم ان عروسته بتهتم بيه اووي كده، امال فين العزومه معقوله كل ده امك ما عرفتش تخلص الاكل ولا ايه؟

مروه

لا لا دقيقه واحده بس واشوفها اتاخرت ليه اتفضلي اقعدي انتي يا ماما وانا هدخل اشوفها…

_ وبعدها دخلت المطبخ عند هنيه ولقيت امها عامله سمك ورز وسلطه وطحينه

مروه بصدمه

يا نهار مش فايت انت عامله سمك ايه الاكل اللي انت عاملاه ده هو انت عايزه تكسفيني مع اهل جوزي ولا ايه ما انتي عارفه متاكده كويس قوي ان ابراهيم ما بياكلش السمك بتعمليه ليه

هنيه

تصدقي يا بنت انت ما عندكيش دم والله مش تحمدي ربنا على اي اكل والسلام وانا هجيب لك فلوس منين ده انا جايبه السمك بالدين علشان اقدر اعملك عزومتك اللي لا كانت علي البال ولا الخاطر دي

مروه بغيظ

براحتك يا ماما واستقبلي بقى الكلام اللي حماتي هتقوله ليكي وانا ساعتها ماليش دعوه هقول ان انا كنت بجيبها انتي لما بتروحي عندهم بتشوفي العزومه يا حبيبتي بتبقي عامله ازاي

هنيه

تصدقي يا بنت انتي انا غلطانه والله العظيم اني خليتك فعلا تتخطبي للبني ادم ده اللي زيك ما لوش الا ينزل معايا سوق زي ما الناااس بتقولي

لمتابعة القراءة اضغط على الرقم في السطر التالي 🌹