جوزي خلاني احط لامي حباية غله في الشاي

­­ ­

وانا عارفه متاكده كويس قوي مين اللي قالك الكلام ده وحسابها معايا بعدين بس هتخلص العزومه دي على خير وبعد كده انا ليا كلام تاني…

_ قالت كلامها ده وبعدها خرجت وكوثر جريت بسرعه قعدت ولما طلعت مروه قالت بخبث

كوثر

جرى ايه يا مروه في ايه هي امك كل ده يا حبيبتي عشان تخرج تسلمي عليا ولا تقولي عامله ايه

طلعت هنيه من المطبخ ووقالت

الحمد لله بخير يا حبيبتي اتفضلي ارتاحي لحد ابراهيم ما يجي هكون حاطيت الاكل على السفره

_وبعد شويه فعلا جه وإبراهيم واول ما قعد ياكل هو ومامته وشااف السمك قال بضيق

ابراهيم

سمك يا حماتي هو انا لسه خاطب بنتك امبارح ولا ايه ما انتي عارفه ان انا مش باكل السمك ايه قلة الذووق دي

مروه

معلش حقك عليا انا يا ابراهيم والله انا اديتها بما فيه الكفايه عشان تعمل اكل حلو بس بالله عليك كل اي حاجه

كوثر بسخريه

كل يا حبيبي رز وسلطه ما تزعلش خطيبتك منك احنا ناس بنفهم في الاصول ما يهونش عليا ابدا ان خطيبة ابني تكون زعلانه، انا مش زي امها يا حبيبي

هنيه بحزن

قصدك ايه بالكلام ده والله المفروض لما اكون معزومه عند حد ما تتريقيش على الاكل واللي يتحط يتاكل

كوثر

لا انتي جيبانا هنا عشان تهزأينا بقولك ايه يا حبيبتي انا ماشيه لاحسن انا حاسه كده انك حاطه اللقمه وعينك فيها، قوم يلا بينا يا ابراهيم من هنا واعملي حسابك ان احنا هنتم موضوع الجوازه بسرعه يعني تخلصي جهاز البنت وتجيبي حاجات نضيفه تشرف احنا مش ناقصين فضايح، وبس بنتك. تبقي عندنا وساعتها بقى ابقي قابليني لو شفتي بنتك دي تاني انتي مش عارفه قيمتها بس احنا بنحبها وشارينها وقيمتها عندنا كبيره اووي…

مروه

يا ماما بالله عليكي ما تزعلي طب عشان خاطري اقعدي وما تمشيش وانتي زعلانه كده..

كوثر

انا مش زعلانه منك يا حبيبتي انتي عارفه كويس انا ايه اللي مزعلني، وهستناكي تيجي عندي بكره يلا بينا يا ابراهيم..

_وبعد ما مشوا بصت مروه لامها وقالت وهي متعصبه جدا…

مروه

عاجبك اللي انتي عملتيه ده انا مش فاهمه أنتي ازاي بتكوني فرحانه لما ابقي انا متنكد عليا عيشتي، بقي انتي ام انتي يا شيخه انا زهقت منك والله..

_قالت مروه كلامها وهنيه اتعصبت ونزلت بأيدها علي وشها وقالت بعصبيه…

هنيه

اخرسي قطع لسانك انا لو كنت بقبل كلمه زمان وكنت بقول معلش يا هنيه ما تنكديش عليها عشان ابوها الله يرحمه رااح وسايبها انما انا دلوقتي مش هقبل الكلام ده، انتي كبرتي ومش صغيره

مروه بغضب

انت بتمدي ايدك عليا انا عارفه كويس اوي مين اللي سخنتك علىا وليلتها معايا سودا النهارده…

_وكلعت مروه من بيتهم وهي متعصبه وهنيه وراها بتحاول توقفها وجات عندي، وفي الوقت ده في شقتي انا كنت قاعده انا و جوزي رمضان اللي قالي

رمضان

انا عايز اعرف بس انت ليه من ساعه ما رجعت من الشغل وانت قالبه وشك كده هو في حاجه حصلت تاني ما بينك وما بين امي ولا ايه؟

منيره بحزن

والله يا رمضان انا مش عارفه اقولك ايه انت ما بتعرفش مامتك بتتعامل معايا باسلوب ازاي انا بحب هنيه وبنتها وبساعدهم بعلمك وهي بقي بتفضل تقطمني بالكلام اني مضيعه تعبك وشقااك علي حاجات مالهاش لازمه، وكمان فضلت تعايرني بالخلفه واني ما عرفتش اجيبلك حتت عيل يفرحك لحد دلوقتي

رمضان

بصي انا مش بدافع لماما والله بس انت مش حاسه ان الست دي بتستغلك اوي فتره دي ده كل شويه جايه تاخد منك حاجه شكل ده وصلت ان هي بتستلف منك السكر والشاي هو في كده برضو يا منيره

منيره بهدوء

الجيران لبعضيها يا رمضان وربنا وصانا علي سابع جار وما ينفعش ان احنا نتعامل بالطريقه دي وانت عارف ان هي مالهاش حد. وبتربي بنتها اليتيمه وكمان بتجهز فيها وو…

_وقبل ما اخلص الكلمه لقيت الباب بيخبط جامد جدا وقام رمضان بسرعه وفتح الباب ولقي قدامه مروه وهي متعصبه..

رمضان بضيق

هو في ايه بالظبط ايه الطريقه اللي انت عماله تخبطي بيها دي مش بالراحه شويه على الباب يا انسه مروه

مروه

بقولك ايه يا استاذ رمضان لو انت مش عارف تلم مراتك انا هلمهالك خلي مراتك تبعد عننا مش كل شويه تيجي تسخن امي عليا وتنكد. علينا…

رمضان بحده

ايه طريقه الكلام اللي انتي بتتكلمي بيها دي وبعدين مال مراتي ومالكوا اصلا هي مراتي بتعمل اي حاجه معاكم غير كل خير ده بدل ما تشكروها

مروه بصوت عالي

لا يا اخويا عماله تكلم ماما ان انا اسيب خطيبي انتي عايزاني اسيبه ليه يا منيره عينك منه ولا ايه يا حبيبتي جوزك مش مالي عينك، ما تلم مراتك كده وخليها تقعد على جنبي بعيد عننا….

وفي الوقت ده قربت منها وقولت

انت قليله الادب وانا مش هسمحلك تتكلمي معايا بالطريقه دي تاني امشي اطلعي بره وما اشوفش وشك عندي هنا ثاني

مروه

ولا انا عايزه اشوف وشك ولا انتي تشوفي وشي ابعدي عني خالص علشان خاطر ما تعرفيش انا ممكن اعمل فيكي ايه أنتي سامعه ولا لا

_قالت كلامها وبعدها مشيت، ورمضان قفل الباب وقعد هو وامه قدااامي وقال بعصبيه

رمضان

عاجبك طريقه الكلام ان هي اتكلمت معاكي بيها دي عيله من دور عيالك تتكلم معاكي بالطريقه دي يا بنتي ابعديني عن المشاكل حتى لو امها كويسه البنت دي مش كويسه جدا وهتعملك مشاكل كثيره خلينا في حالنا احسن يا منيره

منيره بدموع

عندك حق انا بعد كده والله هفضل في حالي وما ليش دعوه بحد علشان خاطر ما تحصليش ايت مشاكل…

_وبعد كام يوم كالعاده راحت هنيه السوق وانا راحتلها واحده وقالت بسخريه

الست

خليمي انتي يا حبيبتي كده قاعده تبيعي قوضه وخيار وسايبه بنتك دايره علي حل شعرها شدي على البنت دي شويه يا ام مروه عشان مصلحتها

هنيه بقلق

ايه الكلام الفارغ اللي انت بتقوليه ده قطع لسان اللي يجيب بنتي بسيره وحشه انا عارفه ومتاكده كويسه قوي انا مربيه بنتي ازاي

الست

يا اختي والنبي بلاش كلامك اللي مالوش فايده ده ، بنتك واقفه في الشارع بتشرب سجاير وقالعه الطرحه تقدري بقى تقوليلي واحده محترمه نازله من بيتها كده ازاي

هنيه

لا يا حبيبتي هتلاقي حد شبهها انا واثقه ومتاكده كويس اوي ان بنتي عمرها ما تعمل اي حاجه غلط وانتي اياكي تتكلمي علي بنتي كده تاني انتي فاهمه ولا لا

_وفي بيت هنيه كانت قاعده مروه مع سماح صحبتها وبتشرب سجاير، وقالتلها سماح بقلق

سماح

يا بنت انا خايفه امك تيجي دلوقتي في الدخان اللي انت عاملاه ده ما تهدي شويه من السجاير دي وبعدين هو انتي ابراهيم يعرف بالسجائر اللي انتي عماله تشربي فيها دي ولا ايه؟

مروه

اذا كان هو يا بنت اللي معلمني شرب سجاير معايا وبعدين امي ما بتجيش من السوق دلوقتي ما انتي عارفه ان هي لازم تيجي لما بتلم الفراشه محسساني ان الفراشه دي اللي بتدخل لها ملايين ةهما ملاليم مش بيكفو مصارفي لوحدي ولولا معاش بابا اللي بيساعد. كنا هنشحت

سماح

صحيح هو انت بتجيبي حاجات في جهازك وتوديها عند حماتك ما بتجيبوش هنا على بيت امك على طول ليه، لازم يا بت امك تعملك تنجيد قدام البيت يعني والناس كلها تعرف وتفرح بيكي..

مروه بسخريه

يا اختي اقعدي ساكته هو انتي شايفه شقه واسعه قوي علشان خاطر اجيب الحاجه هنا وبصراحه انا مرتاحه طول ما الحاجه بتروح عند حماتي هناك مش عايزه وجع دماغ خلينا كده احسن

_وفي الوقت ده دخلت عندهم هنيه واول ما شافتها وهي بتشرب سجاير وقالت بعصبيه…

هنيه

نهارك مش معدي ايه اللي انت عاملاه في الشقه ده بتشربي سجاير يعني الكلام اللي اتقالي كان صح ده انا هسود عيشتك النهارده يا مروه

مروه

ايه الكلام اللي انت عماله تقوليه ده وبعدين هو انت راجعه من الشغل بدري ازاي كده يعني من امتي بتيجي بدري

هنيه

امشي اطلعي بره يا سماح وما اشوفكيش ماشيه مع بنتي تاني انت سامعه ولا لا وانتي والله العظيم لسود عيشتك

_طلعت سماح وهي مدايقه وهنيه مسكت مروه من شعرها،وبعد شويه اخذ الذهب وراحت عند ابراهيم وكانو قاعدين علي الاكل بعد. ما فتحتلها هنيه

كوثر

حماتك بتحبك يا هنيه تعالي شوفي الاكل اللي احنا بناكله في العادي عامل ازاي، وكمان انا عازمه بنتي النهارده عندنا على الغداء اقعدي كلي معانا انتي مش غريبه

هنيه

لا يا حبيبتي وافري عزوماتك لنفسك انا جايه علشان خاطر اديك الذهب واقولك ابعدي ابنك عن بنتي واياكي اعرف انه بيكلمها تاني انت سامع ولا لا يا واد انت

ابراهيم ببرود

وهي مروه عارفه بالكلام اللي انت بتعمليه ده بقى ولا ايه انا عمري ما هسيب مروه غير لما هي تقولي انا مش عايزاك

الام

انت عايز مننا ايه بالظبط يا ابراهيم ابعد عننا بقى انت مش عارف البنت بقت عامله ازاي وبجد انا مش طيقااك في حياتنا ولا عايزاك لبنتي اللي خربت اخلاقها من يوم ما عرفتها

وفي الوقت ده دخلت مروه وقالت

ايه الكلام اللي انت جايه تقوليه لابراهيم ده ومين اللي قالك ان انا عايزه ابعد عن ابراهيم ابدا انا عايزه ابعد عنك انتي يا شيخه حرام عليكي بقى وبطلي افتري عليا انا بنتك علي اللي انتي بتعمليه فيا ده، حسبي الله ونعم الوكيل فيكي

هنيه بدموع

وانتي بتقوليلي انا الكلام ده يا مروه معقوله هونت عليكي انك تعملي فيا كده وتقولي الكلام ده قدامهم، وللدرجه دي في نظرك انا ام وحسه وما عملتش حاجه عشاااانك…

مروه

شيخه ده انا بدعي ربنا ياخذك عشان ارتاح منك بقى ومن قرفك والعيشه معااااكي..

نزلت دموع هنيه وقالت

اخص عليمي بس انا من النهارده ماليش بنات انا ما خلفتش خالص واللي هيسألني عليكي هقوله اني اتبريت منك، خليكي عندهم يمكن ينفعوكي..

_قالت هنيه كلامها ومشيت وكوثر ابتسمت بخبث وقالت..

كوثر

سيبك منها يا مروه انتي من النهارده بنتي اناا، رووح يا واد يا ابراهيم هات مأذون وهتكتب عليها دلوقتي

ابراهيم

دلوقتي يا اما ازاي بس والنااااس طيب تقول علينا ايه..

كوثر

ومالنا احنا بالناااس وبعدين قعدتها معانا من غير جواز غلط.، يلا بس اعمل زي ما بقولك..

طلع ابىاهبم وكوثر قالت بخبث

اسمعي يا مروه انا هضحي بحاجات كتير وهجوزك لابني. منهم العفش اللي لسه ما كملش ده بس انا ليا عندك طلبين

مروه مسحت دموعها وقالت

انا عينيا ليكي يا ماما انا دلوقتي ماليش غيرك انتي امي وبس..

كوثر

ما هو ده العشم برضو المهم الطلبين هما الاول انك تتجوزي انتي وابراهيم معايا هنا بلاش موضوع الشقه الجديده ونوفر فلوسها لابراهيم نكمل عليهم ويعمل مشروع يرفعنا اكتر واكتر، والطلب التاني مش هنكتب مؤخر احنا ما فيش بينا الحاجات دي وبعدين انتي اكيد واثقه فينا وشايفه اهو احنا ازاي متمسكين بيكي بس انا اخااااف من امك تعمل حاجه كده ولا كده وتأذي ابني..

مروه

فاهمه قصدك يا ماما كوثر انا موافقه اني اتجوز بالشروط اللي حضرتك تطلبيها…
ع
_وفعلا اتجوزت مروه ابراهيم، وبعد كام شهر كنت قااعده انا ورمضان جوزي اللي قالي….

رمضان

ان شاء الله خير يا منيره ما تخافيش يا حبيبتي، بالحق يا ماما نسينا نقولك ان الدكتور حدد لينا معاد عملية الحقن علي اخر الاسبوع خلاص ادعيلنا بقي ربنا يجعل الفرج علي ايديه

نعمات

يااارب يا ابني دعيالكم علي طول والله، وما تزعليش مني يا منيره لو كنت بقول كلمه كده ولا كده اعتبريني ست كبيره وبتخرف يا حبيبتي..

منيره

بعد الشر عليكي يا طنط ما تقوليش كده، وانا عمري ما ازعل منك ابدا ده انا ماليش غيرك يا طنط بعد امي وابويا الله يرحمهم..

سيتي إكس
حبايه الغله وامى

بتاريخ : مايو 19, 2025 – 3:20 م
Use your ← → (arrow) keys to browse
نعمات

وانتي بنتي قبل ما تبقي مرات ابني، انا هدخل ارتاح شويه احسن الجو الحر ده مخليني دايخه ومش عارفه مالي..

_ودخلت نعمات اوضتها وانا قولت لرمضان بصوت واطي..

منيره

رمضان انا كنت عايزه اطلب منك. طلب واغلي حاجه عندك ما تفهمني غلط..

رد. عليها رمضان وقال

خير يا منيره ايه اللي عايزااه عينيا ليكي..

منيره

كنت عايزه اروح اطمن علي طنط هنيه الست دي كانت طيبه اووي عليا وطول عمري من لما اتجوزتك وجيت هنا وهي بتتعامل معايا كويس، ولو علي بنتها فأهي رمتها واتجوزت وما بتسألش فيها، والجار للجار يا رمضان..

رمضان

مااشي يا منيره روحيلها بس معلش ما تهليش امي تعرف انك بتروحيلها وخدي الفلوس دي اديهم ليها وشوفي ناقصها ايه وهاتيه ليها..

منيره بسعاده

ربنا يخليك ليا يا حبيبي وما يحرمنيش ابدا لا منك ولا من طيبة قلبك دي..

_وفعلا تاني يوم روحت لهنيه وكانت قاااعده زعلانه ومدايقه جدا وقولتلها..

منيره

طيب والله العظيم وحشاااني اووي يا طنط هنيه..

هنيه بدموع

منيره تعالي يا بنتي اتفضلي..

دخلت وسلمت عليها وقعدت معاها وقولت

ايه سايبه الباب مفتوح ليه كده؟

هنيه

سيباااه لمروه غشان لو جات وخبطت مش هفتحلخا عشان زعلانه منها، وانا مش عايزاها تزعل فخليها تدخل علي طول.. اهو بصبر نفسي واقول كده بس هي في الاخر ما بتجيش وما بتسألش فيا.

منيره

معلش هي بس الدنيا وخداها ولما هتفوق لنفسها هتلاقيها جاتلك جري لحد عندك، هو انتي بطلتي تنزلي السووق ولا ايه ما بشوفكيش بره البيت خالص

هنيه

كنت بنزل عشان اوفرلها مصاريفها وما اخليش حاجه نقصاها وتجيب اللي نفسها فيه، انكا دلوقتي اهي مشيت وانا المعاش بيكفيني وزيااده ما لهاااش لازمه المرمطه في السوق ده غير كلام الناااس اللي خلاني حتي اكره انزل اشتري حاجه من تحت..

منيره

النااس هتنسي وتلاقي حاجه تانيه تمسك فيها وتتكلم عليها، المهم امسكي الفلوس دول بعتهم ليكي رمضان خليهم معاكي انا عارفه ان المغاش برضو مش كبير والدنيا بقيت غاليه عليكي، وانا هجيلك كل كام يوم اطمن عليكي..

هنيه بدموع

ربنا يكرم اصلكم ويبارك فيكم ويعوض عليكم بالخير، انتو فعلا ونعم الجيران ومن حظي الحلو ان ليا جيران زيكم كده..

_وفي الوقت ده في بيت ابراهيم دخلت مروه اوضتها وقالت بحده لابراهيم..

مروه

انت كنت فين من امبارح، كنت بايت فين يا ابرلهيم؟

ابراهيم

هو انتي مش ما بتسمعيش كلامي يا مروه يبقي مالكيش دعوه بيا اروح فين واعمل ايه

مروه

هو انت يعني اللي بتطلبه ده عادي انت وامك عايزني احط لامي حباية غله عشاان تروح، انتو ايه ازاي تقولو ليا كظه

ابراهيم

خلاص يا يت الشيخه خليكي قااعده كده في خالك وانا في حالي ويكون في علمك انا هتجوز بنت المعلم صبحي الراااجل لمحلي انه مستعد يديني الفلوس اللي انا عايزها عشان المشروع بتاعي

مروه

اخص عليك يا ابراهيم عايز تتجوز عليا بعد. كل اللي عملته عشااانك..

ابراهيم

عملتي ايه انا اللي عملت وقبلت اتجوزك من غير جهاز ولا اي حاجه وقبلت كلام. الناس اللي اتقال اني غلطت معاكي وامك اتبرت منك وانا سترت عليكي، من الاخر موافقه يا بت الناااس علي اللي طلبنااه منك عشان نرتاح من امك وناخد الشقه ونبيعها ونتصرف بتمنها اهلا وسهلا مش موافقه يبقي هتجوز ولو طلبو مني اطلقك هطلقك وارجعي عيشي مع امك اللي بتكرهك وكانت ما ببهونش عليها اللقمه ليكي..

سابته مروه وطلعت لقيت حماتها قالبه وشها عليها وقالتلها بحده..

كوثر

لمتابعة القراءة اضغط على الرقم في السطر التالي 🌹