اترددت كتير أني أكتب قصتي ولكني حبيت أحذر كٌل الناس من إللي وقعت فيه..

و طلعت اشاعات إن سنية اتطلـ،قت عشان الناس يسيبوها في حالها، لكن علي مين ديه بتجبله زباين من تحت لتحت “..

و الشيخ لقمان اتصدي لنجاتي و مخلهوش يرجع البلد و من يومها و هو عـ،دوه ..
و لكن إللي عاوزه بيروحله مكانه و صحاب الحاجات و النفوس الضعيفة هنا يامه..

و انصحك تنقل نفسك لمكان تاني..
لأن العم “مصباح” قال أن اللعـ،نة هتتولد مع واحد غريب هيجي البلد و ده هيعملك مشاكل كتير هنا …

مصدقتش طبعا كلام مغاوري ، فأنا ساكن فوق أم سوسن ، و سوسن نفسها بتنام عندنا ،
ومحستش لحظة انها مش طبيعية ..

الجزء الوحيد إللي صدقته إن سنية بتحاول تجيب زباين لجوزها وانهم متطلـ،قوش،
وده بدليل انها بتحاول تخلي مراتي تروح لنجاتي..

حاولت ألاقي شقة تانية، ولكن بسبب الإشاعات ديه كل أهل البلد رفضوا يخلونا نسكن عندهم، ومحبتش أكون ضيف تقيل عند الشيخ لقمان..

ومن ناحية تانية، كانت مراتي كل ليلة بتعيط لأن عاوزة تروح للشيخ نجاتي و كأنه اّخر أمل ليها..اضطريت اوافق علشان ارتاح من الصداع وفي النهاية ده واحد دجـ،ال هياخدله قرشين وخلاص مش هيحصل حاجة كبيرة..

ولكن في نفس الليلة، لقيت سوسن واقفة ورايا وانا بتوضى في الحمام وعنيها بيضا تماما .. انتفضت من الرعب، لكن فجأة سوسن اختفت، فقلت يخربيتك يا مغاوري هتجنني بقصصك ..!

وفي الوقت ده بصيت فالصالة لقيت سوسن قاعدة بتتفرج على التليفزيون،

فقولتلها انتي ليه مش نايمة مع مراتي جوا، لكنها قالتلي:

“انت ليه يا عمو مش عاوز تودي طنط لبابا عشان تجبلي أخ ” ..

كلامها رعبني بس قولت يمكن بتردد كلام الكبار إللي بتسمعه..
فقولت لها: ان شاء الله..

لكن فجأة لقيت كل قنوات التلفزيون حصل فيها تشويش، ولكن …. يتبع..

لمتابعة القصة اضغط على الرقم 15 في الصفحة التالية